حتى حرس معالي الوزير ماعرفش يحميهم!

عشان انا بنت
أكتوبر 10, 2012
تلقت عروضا بأكثر من مليون جنيه.. فتاة برازيلية تعرض عذريتها للبيع في مزاد على الإنترنت
أكتوبر 10, 2012
تخيل كدة بنتك او اختك رايحة حفلة هيحضرها وزير التربية و التعليم و ترجع منهارة عشان اتعرضت للتحرش و حتي حرس معالي الوزير معرفش يحميها؟؟؟
تعالوا نحكي من الاول
يوم الخميس 4 اكتوبر 2012 في تمام التاسعة صباحا اتحرك فريق كورال مدرسة كلية السلام التجريبية لغات بنات،الفريق كان معظمه بنات و معاهم 8 اولاد في مراحل التعليم الجامعي و مدرستين موسيقي
في الاوتوبيس و هما رايحين علي فند
ق وزارة التربية و التعليم عشان يحيوا الحفلة، جت للسواق تعليمات انه يروح علي مدرسة التوفيقية الثانوية بنين بشبرا عشان الوزير حابب يعمل زيارة مفاجأة للمدرسة و يعمل الحفلة هناك
وفعلا اول ما وصل الاوتوبيس مدرسة التوفيقية كان فيه طلاب من المدرسة واقفين عند الباب و اول ما البنات نزلت من الاوتوبيس فضلو يهللوا بطريقة ترعب لدرجة ان البنات معرفوش يدخلوا للمسرح الا بمساعدة رجال الامن المركزي اللي كانوا متواجدين في المدرسة.
خلال الحفلة اللي كان الوزير حاضرها استمرت تهليلات الطلاب , وحاولوا يوصلو ا للبنات اللي د اللي علي المسرح لولا ان الاولاد اللي مع الكورال كانوا محاوطين البنات و هما بيغنوا ، و كل دة و الوزير محاولش ياخد اي اكشن و هو شايف طلاب مدرسة التوفيقية بيرقصوا بمطاوي!!!!!
قبل ما البنات يخلصوا غنا بخمس دقايق ، توجه السيد مدير المدرسة و قال كدة بالحرف لمدرسة الموسيقي اللي مع الكورال ” اول ما البنات تخلص خديهم و اطلعي اجري عشان لو بنت من اللي معاكي حد من الولاد دول مسكها انسي انها ترجعلك سليمة”
الكام كلمة دول تعمل انهيار كبير لأي واحدة
طبعا اول ما البنات خلصوا و قبل ما معالي الوزير يسقف ، طلع صوت المدير و قال ” البنات تطلع تجري ” ، و فعلا خرجوا البنات بسرعة و كانوا بيجروا و الطلاب وراهم بشكل يموت من الرعب و مفيش حد بيحميهم الا ال 8 ولاد بتوع الكورال لدرجة ان سواق الاوتوبيس لما شاف المنظر خاف و جري بالاوتوبيس!!!
لحسن الحظ كان فيه اوتوبيس تاني ركبوه البنات و حتي الاوتوبيس مسلمش من التحرش ، فضل طلاب مدرسة التوفيقية يرموا مياه علي الاوتوبيس و يرجوا فيه و يخبطوا عليه بشكل همجي!!!
الحمد لله البنات وصلوا بيوتهم بسلام و ملحوظة : البنات لبسهم كان عادي جدا و خارجين من مدرسة فنقطة اللبس دي مكنتش السبب
تفتكروا ايه اقل حاجة تتقال لمعالي الوزير اللي معرفش يحمي بناتنا
واللي لولا ال8 اولاد اللي معاهم ( اللي خدوا ضرب للصبح ) كان _ لا قدر الله – حصلتلهم معاناات كبيرة ؟؟
 مشاركة من احد اعضاء صفحة د التحرش على الفيس بوك