عايزين شوارع مصرأمان

مسيرة بالدراجات في القاهرة ضد كافة أشكال التحرش الجنسي
“عايزين شوارع مصر آمان يا شباب” هيكون شعارنا يوم الجمعه القادم 21 يناير 2010، لما نتقابل في المهندسين أمام.(…..)؟ عشان ناخد جولة بالدراجات في شارع جامعة الدول العربية وشارع أحمد عرابي.

حايشاركنا اليوم ده أبطال فيلم 678 وفريق عمل خريطة التحرش الجنسي، من أجل التوعية بأهمية دورنا كشباب وبنات للمساعدة في نشر الوعي بخطورة مشكلة التحرش الجنسي في الشوارع المصرية.

عايزين شوارع مصر أمان يا شباب ….. أمان من المعاكسات والمضايقات اللي بتحصل فيه علشان أختك وهي راجعه من المدرسة تبقى حاسه بأمان، ووالدتك وهي راجعه من الشغل أو السوق تبقي مطمنه على نفسها وولادها.

هنركب عجل ولاد وبنات من الساعة 03:00 العصر لمدة ساعة تقريبا علشان الناس تشوفنا ورسالتنا توصل لأكبر عدد ممكن من الناس…
إحنا شباب وبنات مصر ويهمنا إننا نعمل حاجة إيجابية
عايزين شوارع مصر أمان يا شباب لأن ده هيفيدنا كلنا

لو حاتشارك أو حاتشاركي معانا أكدوا حضوركم عشان تحصلوا على التيشيرتات الي حانلبسها اليوم ده للتوعية بالقضية
الحدث ده تحت رعاية نادي القاهرة للدراجين http://cairocyclists.wordpress.com/ ، وخريطة التحرش الجنسي http://harassmap.org/

وعدد من أبطال فيلم 678 سوف يتم الإعلان عنهم قريبا بالإضافه الي المؤلف والمخرج محمد دياب
نتمني نشوفكم يوم الجمعه ان شاء الله

معلومات حول المشاركة
إحنا بنمشي صف جنب الرصيف بحد أقصي اتنين جنب بعض
ومحدش بيتخطي قائد المجموعه واللي هيكون في قدامه عربيه
وهيكون في عربيه في اخر المجموعه علشان نبقي فأمان من العربيات ان شاء الله

لو معندكش عجله ممكن تأجر عجلتك من
رأفت (المعادي) 0115937492
عم صلاح (العجوزه) 0187016656
عم عبده (الدقي) 37497430
تامر (غمره) 0116132201
طارق محمد ,43 ش أحمد الصاوي متفرع من مكرم عبيد مدينة نصر/ 0193074889/0124677720