مطلوب متطوعين يساعدوا في التصدي للتحرش/الاغتصاب الموجه للمتظاهرات.

وقفه امام المعهد القومى للسكر تنديدا بقيام عامل نظافه باغتصاب 6 حالات وهن فى حاله اللاوعى
يناير 23, 2013
صورة..أبناء الشيخ الشهيد عماد عفت الأربعة يحملون مبادئ الثورة (عيش-حرية -عدالة اجتماعية -كرامة إنسانية).
يناير 28, 2013

هاكرر نشر الستاتس و هاكرر الطلب .. كل الأحزاب و المجموعات اللي بتشارك في الدعوة لفاعليات في الميدان علىها مسؤولية انها تشارك بمتطوعين يساعدوا في التصدي للتحرش/الاغتصاب الموجه للمتظاهرات.172

لو لسة مش مصدقين خطورة الموقف مش هاقولكو غير 

1- يوم الجمعة غادة شهبندر جالها بلاغ بتعرض بنت عندها 19 سنة لهتك عرض بالسكين

2- اقروا الشهادة دي مؤلمة و مرعبة جدا http://www.el-balad.com/379172

الموضوع مش تهريج, في خطر بجد و لازم نتصدى له!

تفاصيل شهادات التحرش الجماعي في الميدان مرعبة أكتر و أكتر. ممكن تقروا دي

http://diaryrandoms.wordpress.com/2013/01/26/%D8%B4%D9%87%D8%A7%D8%AF%D8%AA%D9%89-%D8%B9%D9%86-%D8%A3%D8%AD%D8%AF%D8%A7%D8%AB-%D8%A7%D9%84%D8%AA%D8%AD%D8%B1%D8%B4-%D8%A7%D9%84%D9%8A%D9%88%D9%85-25-01-2013/

أو دي 

http://www.facebook.com/notes/salma-el-tarzi/%D8%B4%D9%87%D8%A7%D8%AF%D8%AA%D9%8A-%D8%B9%D9%86-%D8%AD%D8%A7%D9%84%D8%A9-%D8%AA%D8%AD%D8%B1%D8%B4-%D8%AC%D9%85%D8%A7%D8%B9%D9%8A-%D9%8A%D9%88%D9%85-%D8%A7%D9%84%D8%AC%D9%85%D8%B9%D8%A9-%D9%A2%D9%A3-%D9%86%D9%88%D9%81%D9%85%D8%A8%D8%B1-%D9%A2%D9%A0%D9%A1%D9%A2/10151364675962953

في شباب متطوع في مبادرات بتحاول تتدخل و تحمي أي حد يتعرض لتحرش, لكنهم مش كفاية, لأن الميدان في أيام زي النهاردة بيبقى كثافة الناس اللي فيه و الزحمة بتصعب الحركة بسرعة من مكان لمكان, غير انه في تصعيد واضح في التعرض للمتظاهرات.

النهاردة مجموعات “قوة ضد التحرش” تدخلوا لانقاذ 19 بنت و ست من حالات تحرش/اغتصاب جماعي, منهم طفلة عمرها 14 سنة, و منهم 6 احتاجوا رعاية طبية

اعتقد اننا كلنا محتاجين نتعامل مع الموضوع بجدية أكتر. 

زي ما كلنا عارفين ان واحدة من المخاطر اللي بنضطر نتعامل معاها هي غاز و رصاص و خرطوش الداخلية, و اللي ممكن نتنق او نتصاب او نتقتل منهم. و بنحاول على قد ما نقدر نجهز مستشفيات ميداني عشان نقلل من الاصابات و احتمالات الموت, محتاجين نقدم دعم و مجهود للتصدي لنوع تاني من العنف و الخطورة و هو التحرش الجماعي اللي بيتهدف البنات المشاركين في التظاهرات.

هاكرر طلب رفاقي و زملاءي, يا ريت كل المجموعات و الأحزاب اللي بتشارك في المليونيات و المسيرات, و اللي بتشارك في تأمين الميدان و تجهيز المستشفيات الميداني, تشارك كمان بمتطوعين في مجاميع التصدي للتحرش بالميدان.

محتاجين متطوعين كتار عشان يبقى انتشارهم كافي لتغطية الميدان و التدخل السريع

تواصلوا مع “قوة ضد التحرش” http://www.facebook.com/opantish/posts/199197086890858 و ساعدوهم

نقلا عن منى سيف 

http://www.facebook.com/Monasosh/posts/131371803697204