أوضاع عاملات وعمال كرستال عصفور

الأمم المتحدة تقاوم العنف ضد المرأة بـ”ثياب برتقالية”.. و”القومى للمرأة”: العام الماضى الأسوأ فى تاريخ نساء مصر
نوفمبر 26, 2013
حملة ” عدالة ومساواة فى الاجور ” تنظم سلسلة ندوات تفاعلية على مستوى الجمهورية
نوفمبر 27, 2013

أمراض مهنية و أجبار على ارتداء الزى وعقود مؤقتة وانخفاض الأجور

  قام عمال وعاملات الشركة العالمية لتجارة النجف والكريستال المعروفة باسم” كرستال عصفور” المملوكة لورثة  خميس عصفور رجل الأعمال الفلسطيني، في الحادي عشر من نوفمبر 2013 باعتصام  ضد ممارسات الإدارة التعسفية وحرمان العمال والعاملات من حقوقهم، منها عدم توافر الرعاية الصحية اللازمة بسبب أصابتهم بأمراض مهنية ناتجة عن طبيعة العمل مثل ارتفاع نسبة الرصاص بالجسم، فضلا عن تدنى الأجور،وعدم تثبيت العقود المؤقتة للعمال ، قامت وزارة القوى العاملة بالتدخل للوصول إلى اتفاقات والتفاوض مع الإدارة لكن لم يتم الوصول إلى اتفاقات تحقق مطالب العمال والعاملات

    تأسست الشركة في عام 1961 في مدينة القليوبية على مساحة 2200 متر مربع بقوة 200 عامل اليوم “كريستال عصفور” مقرها على مساحة تزيد على 300000 متر مربع بالاضافة الى فروع بمحافظات ، واستخدام أكثر من عشرون ألف موظف وعامل (رجال ونساء).

 وقد مارست إدارة الشركة حملة لتصفية عدد كبير من العمال بدأت عقب عيد الفطر الماضي،  فقامت الإدارة بتوزيع استمارات على العمال لمن يرغب الخروج والحصول على مكافأة هزيلة، دون أي تعويض عن ما أصابه العامل من أمراض نتيجة عملهم بالشركة، وشملت الحملة عمليات فصل تعسفي، وإنهاء عدد من العقود السنوية لعدد من العمال والعاملات قضوا فترة عمل بين “سنة و7 سنوات بالشركة”، أما من يعملون بعقد دائم؛ قاموا بالضغط عليهم إما بنقلهم لأماكن عمل غير مناسبة لسنهم أو طبيعة عملهم، أو حتى ظروفهم الصحية “التي تدهورت نتيجة طبيعة العمل”، أو عن طريق وقفهم عن العمل إما عبر تحقيق أو حتى بدون ذكر أسباب، كذلك دون منحهم أي مستند يثبت قرار وقفهم عن العمل، كل هذا أدى إلى تسريح ما يزيد عن ألف عامل خلال تلك الفترة.
كان لكل ذلك رد فعله على عدد كبير ممن تم تسريحهم، الذين نظموا جبهة من العمال والعاملات في جميع مصانع الشركة للدفاع عن حقوقهم ، كما تعاطف معهم اهالي المنطقة المحيطه بالشركة بسبب تضررهم من الأضرار البيئية التى تهملها إدارة الشركة، وتعرض عدد من الاهالي للإصابة بأمراض بسبب زيادة نسبة الرصاص، وللأسف الشديد يحدث ذلك في غياب تام للجهات الرقابية المعنية

 مطالب العمال تتلخص في :

    زيادة الأجور

   تثبيت العقود المؤقتة

  عودة المفصولين للشركة

   تغير الإدارة الطبية بالشركة

    نقابة منتخبة من العمال

وإثناء دراسة وضع العاملات تبين بعض المشكلات الخاص بالنساء تتلخص فى الشهادات الحية الآتية :

 وجاءت شكوى العاملات من الإدارة التعسفية في الشركة  التي تقوم بفصل أي عاملة تغيب لمجرد يوم عن العمل بما يخالف القواعد التي ينص عليها القانون، وأشارت العاملات لعدم حصول العمال والعاملات على الراحة و التي مدتها ساعة ، فتقوم الإدارة بإعطاء راحة دقيقتين كل ربع ساعة بأجمالي نصف ساعة، ويبقى العمال والعاملات في أماكنهم لا يستطيعوا تناول وجبه، وذلك للوصول إلى كمية الإنتاج المخصص لهم حتى لا يتعرضوا للخصم ، وذكرت العاملات أن أدارة الشركة تقوم بإجبارهم على لبس العبايات أو الإسدال أو النقاب، وإذا امتنعت عاملة عن ارتداء هذا الزى، يقوم المشرف بتوقيع الجزاء عليها الذي يصل إلى خصم شهر عن العمل مهما ارتفعت نسبة إنتاجها.

شهادات حية 

حالة رقم 1

**هـ

“تقدمت للعمل بالشركة من 5 سنين أتعينت على 170ج المشكلة جت أن  الإدارة فصلت بعض العمال من غير سبب بحجة إنهاء العقود و أعدوا كشوف بأسماء العمال اللي مصابين بأمراض وبيذهبوا للعيادة الطبية بالشركة وعندهم مشاكل صحية وقام بتسريح العمالة بحجة عمالة زايدة وفي نفس الوقت فتح باب التعين ومش فاهمين معنى كده انه مستقصد العمال ومن ناحية ثانية قاموا بالتشديد على العاملات في الالتزام بزى معين وكان أول ما نتقدم للوظيفة (البنطلون والجيب والبلوزات القصيرة ممنوعة، والمشرفة ليها الحق تخصم وخصم مضاعف كمان تحس إننا طول الوقت مهددين بالفصل والخصم من المرتب.

حالة رقم 2

** هـ .ث

 بشتغل من 6 سنين عندي 23 سنه  أول ما جيت أقدم الورق قالولى اللبس عبايات واسعة عشان دى شركة أسلامية  وده بيبقا تنبيه شفوى واحنا داخلين  أتعينت على مرتب 170 ج دلوقتى وظيفتى مراقبة جودة  فى قسم فرز إنتاج  ومرتبى  500ج كل ست منا خارجة من بيتها عشان الفلوس وظروف الحياه الصعبة  مشكلتنا أننا دايما مهددين بالفصل ولما تواجهنا مشكلة مع المشرفة في الأغلب مش بتحل حاجة، ومفروض نلجأ للادارة فنتعرض لمضايقات من المشرفة ….محدش بياخد حقه في الشركة كانت قوتها 34000 عامل بقينا 16000 بسبب تخفيض العمالة ومش عارفين سبب فصل العمال أية، يعنى يخدونا بصحتنا ولما نصاب بمرض من الرصاص يطردونا في الشارع ،  مفيش عندنا نقابة للعمال بتحمينا في مجموعه معينه من الإدارة هما بس اللي بيحددوا مطالب ومشكلات العمال طالبنا اكتر من مرة أن يكون في انتخابات لأعضاء النقابة واختيارهم من العمال وده طبعا مرفوض نهائي في الشركة طول الوقت الناس مهددة  وبعدين وقت الاعتصام أتقفل علينا البوابات وإحنا جوا واتشتمنا  من موظفة في الاستعلامات فلسطينية الجنسية قالت لنا محدش يقف في المظاهرات يا كلاب .. وأنا بأكد أن عاملات وعمال عصفور أيد واحدة ومطالبنا مش هنتنازل عنها، تثبيت العقود ، وزيادة الأجور


حالة رقم 3

** أ 

23 سنه عندي طفلة عندها سنتين بجبها الحضانة بتاعت المصنع  مشكلتي زيي زى كل العاملات والعمال في المصنع حاسين إننا فى أى وقت يتقالنا برا في الشارع  عشان وغيرنا خرج ومفيش حقوق انا مشكلتى بخصوص ببنتي اطبيعى ان الطفله عشان باخدها معايا فى الشغل بخرج بيها بدري بتبقا نايمة بتتعرض للهوا طبعا الاطفال فى السن ده مش بتستحمل وخصوصا لما يجلها شوية برد وخصوصا في الشتا بيبقا لازم أروح أجيب تقرير من مستشفى حكومى انها تعبانه وبتعد في البيت 4 أيام مثلا عشان أرجعها لازم برضو أجيب تقرير يقول أنها بقت كويسة والتقارير دى بتكلفنى 40 ج وأنا يوميتي في العمل بأقل من كده بكتير

حالة رقم 4

** أ

 28 سنه متجوزة عندي ولدين بشتغل وجوزى بيشتغل عشان نقدر نصرف ع البيت في الظروف دى انأ عايزة أقول إننا بنشتغل في أعمال شاقة جدا بالنسبة لطبيعتي كمرآة والمفروض يعنى أنى بتشتغل 8 ساعات يتخللهم ساعة راحة أنما ضغط العمل بيجبرنى انى استغنى عن وقت راحتي عشان اعمل الإنتاج المطلوب منى وسعات بيوصل انى لا باكل ولا بشرب عشان اوفر الوقت اللي يضمنلى نسبة الإنتاج محنا اللي بيعمل إنتاج 79.9 % يروح علية يوم الإنتاج ال 100% بتتقدر ب 14.20ج وده عشان طريقة العمل بتحسب بستوب واتش ببقا تعبانه بأبنى طول الليل باجى الشغل مش قادرة افتح عيني وببقي تعبانه هما بيمشو كل العمال القدام عشان ما يدفعوش معاش ولا مرتبات ، التأمينات حتى هو بيتهرب من التأمينات أصلا يكتب في العقد مبلغ اقل  عشان ما يدفع

أحنا ستات بنشتغل بنسبة كبيرة ما نعرف أية هي حقوقنا نشتغل اد أيه ولا عندنا حاجه تعرف العامل حقوقه عشان يعرف أية اللي له واللي عليه واعرف اجازاتى أية وأمتى اقدر أخدها دانا حتى أما بطلب أجازة المشرفة هية اللي بتحددها مش انا وسعات بتقول لا حاجة العمل مع ان المكان مش يقف علية

** بالإضافة إلى انه تم الرجوع لعدد من الشهادات الحية المسجلة على موقع اليوتيوب

رقم 1

https://www.youtube.com/watch?v=M2xL2Oase1Y

رقم 2

https://www.youtube.com/watch?v=32F_4-JyzVQ

رقم 3

https://www.youtube.com/watch?v=s8mxDDK2u_8