سلمى ابراهيم تكتب: بالمقلوب

13 منظمة حقوقية تطلق مبادرة النقاط العشر لوقف جرائم النظام
فبراير 20, 2013
وقفة امام النائب العام ضد ابو اسلام وصور البلاغ المقدم ضدة
فبراير 20, 2013

انا حاسة بإحتياج جنسى من كتر ما بشوف صور الولاد الامامير فى النت و الممثلين فى التلفزيون و بالذات الصور اللى بالمايوهات .

66630_611530272193637_1969592971_n

و فيه كتير من البنات وفقونى و قالوا انهم حاسين بنفس الشعور كل اما يشوفوا نجم سينما او مغنى او موديل .

و ان انا اتمليت طاقة غضب من كتر ما انا مش عارفة اتجوز و نسبة العنوسة زادت و بقيت انا و صحباتى مش عارفين نصاحب ,

فبقينا نعاكس الولاد فى التليفون و فى الشارع و قررنا نتحرش بيهم اهو نسلى نفسينا و نطلع الطاقة الزايدة .

نتحرش بكلام بإيدينا المهم اننا مكبوتين جنسيا و محرومين من كتر ما اهالينا مسيطرين علينا كبنات و مش مدينا حريتنا فقررنا ناخدها من وراهم بالتحرش و اهو نأدب الولاد اللى بيتمشوا يوميا قدامنا من غير ما يراعوا شعورنا و احنا كمننا عاطفيين فبنتأثر بسرعة حتى لو كان غفير اللى قدامنا .

هنتحرش واللى مش عاجبه يقعد فى بيتهم و هو كان ايه اللى نزلوا منه اساسا

مهرجان التحرش للجميع ….

كام واحد هيتقبل الرأى ده و هيلتمس الاعذار و كام واحد هيشتمنا و يقول ما لذ و طاب من قبيح الكلام علينا ؟؟

اذا حبيت تعرف ليه مبررك للجريمة ايا كانت مش بيقتنع بيه اى انسان عاقل … استلف ودن و دماغ اللى قدامك و اسمع بيها التبرير بتاعك لأن الشخص اللى عايش لنفسه و احتياجه بس حتى و إن ادى ده الى ارتكبه جريمة فى حق الاخرين لا يستحق التعاطف او حتى مجرد التفكير فى احتياجه .

سلمى ابراهيم,