المريض يشتمنا، والمدير ينقلنا” الشهادة الخامسة من حملة #مش_طبيعة_المهنة”

الشهادة الخامسة من حملتنا #مش_طبيعة_المهنة 

اسمى ع . ع”

بشتغل ممرضة حاليا فى قطاع خاص، وقبل كده كنت فى مستشفى حكومى، وأنا فى المستشفى الحكومى كان عندي مريض عامل عملية، والدكتور كاتبله علاج ومسكنات، نفذتله المطلوب كله، وبعد شوية نده عليا عاوز مسكن اديتله، وبعدين طلب مسكن تانى بعد شوية كلمت الدكتور وسالته، لأنه مريض قلب وسكر والدكتور كتبله مسكن اديتهوله وبعد شوية لقيت المريض جايلي هو والمرافق اللى معاه، والمرافق عمال يقولى أنا أخويا مخدش المسكنات، وهو تعبان، وعايز مسكن قوى، فهمته الحالة بتاعة أخوه وقولتله احنا بندي اللي الدكتور بيقوله بس، وإن المسكنات اللى هو طالبها دى مخدر هيتعب حالته أكتر، ففضل يزعق وبصت لقيت المريض راح خالع الجاون بتاع العمليات، وبقى بدون ملابس نهائى فى قلب الدور، وقدام المرضى، قلتله حضرتك مش هينفع كده، وكلمت الدكتور واستدعيت الأمن، بس على ما الأمن طلع كان المريض وأخوه بهدلونى شتيمة وسب، واضطريت أكتب مذكرة بالواقعة، وبدل ما المدير والمستشفى يجيبولى حقى، لقيتهم نقلونى من قسم الجراحة خالص، لقسم النسا والولادة نقل تعسفى، لإنى دافعت عن حقى وعملت مذكرة.

إذا كنتِ تتعرضين لمواقف مشابهه في عملك، شاركينا قصتك