هتافات مسيرة 8 مارس 2013

انا مش عورة انا مش عالة …. الستات زى الرجالة

انا مش هدى صوتى … للى سكت على موتى

عايزة اشارك عايزة اغير … اوعى تقولى عقلى صغير

من غير شعارات ولا هتافات … لينا الفخر ان احنا بنات

النهضة اللى تعرى بناتنا .. ترحل فورا بره حياتنا

يسقط يسقط اى جبان … احنا مكانا فى الميدان

طول ما العرض المصرى رخيص … يسقط يسقط اى رئيس

وطول ما الدم المصرى رخيص … يسقط يسقط اى رئيس

اوعى تخافى يا بهية …. مش هنفرط فى الحرية

ارفعى راسك انتى وهية …. الستات اصحاب قضية

اقتل فينا وعذب واسحل …برضه مسيرك بكره هترحل

قولوا لمرسى ويا بديع … حق المراة مش هيضيع

لا ما تقولش ماهياش فارقة … اوعى تهمش دور المراة

انا مش عورة انا مش عورة … على اكتافى قامت ثورة

المراة المصرية .. بره المسرحية

مش محتاجة سين ولا جيم … ستات مصر مش حريم

ما تعبناش ما زهقناش … الحرية مش ببلاش

صوت المراة طالع طالع … م الكنايس والجوامع

يلا يا مرسى قول الحق … نجحت بصوتى ولا لأ؟

ظلمى مش اخر الحياة … وسكوتك هو الماساة

ادينى حقى وصحصح فوق … صوتى هيفرق فى الصندوق

حقى مش منحة فى ايديك … هاخده غصب عن عينيك

ياللى بتسال نازلة ليه … حقى مش هسكت عليه

مهما تخطف وتعرينا … مش هتقتل صوتنا فينا