- للتـــواصل مع المؤسســــة
- 0020233382706
- nwrc@nwrcegypt.org
بسنت خالد..ضحية الإبتزاز الالكتروني
كل سنة والمرأة الجديدة داعمة ومُلهمة
ديسمبر 27, 2021
يعاقب القانون المصري على جريمة الابتزاز الالكرتوني
يناير 4, 2022
بسنت خالد طفلة عندها 17 سنة انتحرت بعد ما ابتزها ولد بصور مفبركة ونشرها في قريتها، بسنت قتلها الخوف من إن أهلها ما يصدقوهاش، وطفلة في سنها ماقدرتش تواجه لا المجتمع ولا أهلها.
الابتزاز جريمة يعاقب عليها القانون سواء المعلومات اللي بيستخدمها المجرم حقيقية أو لأ.
ولكل بنت هنا أهم الخطوات اللي تعمليها لو تعرضتي لابتزاز إلكتروني:
– ماترديش على رسائل المبتز مهما كانت الرسائل مخيفة أو تحتوي على صور حقيقية.
– حاولي تاخدي صورة للرسائل من غير ما تفتحيها إذا أمكن، ولو فتحتيها فخديها سكرين شوت واحفظيها عندك.
– اختاري شخص ثقة تحكيله كل القصة، عشان ماتحسيش إنك لوحدك وتشاركيه في الخطوات اللي هتعمليها.
– اتواصلي مع واحدة من المنظمات اللي بتقدم دعم ومساندة قانونية للنساء.
– تجنبي إنك تفكري في تنفيذ أي طلبات من المبتز وماتحسسيهوش إنك هتسمعي كلامه أو هتستسلمي لابتزازه لإن طلباته مش هتخلص.
اطلبي الدعم من مكاتب المرأة الجديدة للدعم والمساندة القانونية: 01281474449
وهنا الجهات اللي ممكن تقدمي بلاغات من خلالها:
– وحدة الرصد التابعة للنيابة العامة، الخط الساخن 108.
– وحدة مكافحة العنف ضد المرأة التابعة لوزارة الداخلية: 01126977222-01126977333-01126977444
– إدارة مكافحة جرائم المعلومات بوزارة الداخلية: 0227926071 – 0227921490 – 0227921491
– المديرية العامة لتقنية المعلومات والحاسوب: 0224065052-0224065051
– مكتب الشكاوى بالمجلس القومي للمرأة: الخط الساخن 15115
التليفون: 01126977444 – 01126977333- 01126977222
