حكيتلنا ع.خ، موظفة بنك عن تجرتها مع التحرش في عالم العمل. وهو يعتبر نوع من العنف الجنسي اللي بتنهاضه اتفاقية190
“بكالوريوس تجارة انجلش وبشتغل في بنك. طبعًا فيه كاميرات في كل مكان، وبحكم شغلي بتواصل مع العملاء من خلال الشباك، فميش فرصة قوي إن أي حد يتمادى، وكمان فيه قواعد صارمة في البنك في حالة أى تعدي. لكن الشتا اللي فات تقريباً كان عندنا workshop اتعملت في أوتيل كبير واتعرضت لمضايقة أو تحرش تحديدًا من حد من المنظمين. أنا رديت ووقفت الشخص ده فورًا، لكن حسيت إن البنك لازم يعرف، ولازم ياخد أكشن لأن دي تعتبر مأمورية شغل. فوجئت إنهم بيسألوني على شهود، وبيقولولي غالبًا مش هنقدر نعمل حاجة ده مكان عام ومفتوح، لو فى البنك هنا كنا أخدنا موقف. هما صحيح في الإدارة اعتذرولي برضه بس حسيت إن ده مش كفاية”

* القصص من واقع شهادات وثقها فريق المؤسسة، وذلك بعد أخذ موافقة صاحباتها على النشر.

* لبيئة عمل آمنة للنساء، شاركونا بالتوقيع على بيان اتفاقية 190 سي.

#التصديق_يوصّل_للتطبيق

شعارنا لتطبيق اتفاقية 190 بشأن العنف والتحرش في عالم العمل، في أماكن العمل وصولًا للتصديق عليها، سعيًا لحماية النساء في عالم العمل من أية انتهاكات قد يتعرضن لها، وتوفير بيئة عمل آمنة للجميع

شاركينا شهاداتك عن أي انتهاكات تعرضتي لها في مكان عملك