حكيتلنا ريم، ممرضة عن تجربتها مع التعسف والضرب في مكان العمل. وهو يعتبر من أشكال العنف النفسي والجسدي اللي بتناهضه اتفاقية 190سي.
“بشتغل ممرضة الصبح في مستشفى حكومي، وبعد الضهر ساعات بنزل شغل برايفت، وقبل ما أتجوز كنت باخد شيفت في مستوصف تبع الكنيسة. هو طبعًا الشغل كتير وبالذات شغل المستشفى عشان عددنا أقل من المطلوب والضغط علينا كتير.
بس الأصعب من ضغط الشغل إن إحنا كمان بنتبهدل من الدكاترة ومن ريسة التمريض ساعات، وساعات أكتر من العيانين وأهاليهم. هما بيبقوا معذورين من الهم اللي هم فيه، وكمان مش عارفين الضغط اللي إحنا فيه، بس بييجوا علينا جامد، بيزعقولنا ويبهدلونا وساعات بتوصل لمد الإيد والضرب وبالذات لو بليل وفيه طوارئ. وساعات لما بتحصل حالات وفاة، الناس بتمسك فينا كأن احنا السبب، وفيه أيام كتير روحت معيطة وكنت عاوزة أسيب الشغل بس هروح فين ما هو كله على ده الحال”

* القصص من واقع شهادات وثقها فريق المؤسسة، وذلك بعد أخذ موافقة صاحباتها على النشر.
* لبيئة عمل آمنة للنساء، شاركونا بالتوقيع على بيان الاتفاقية.

#التصديق_يوصّل_للتطبيق

شعارنا لتطبيق اتفاقية 190 بشأن العنف والتحرش في عالم العمل، في أماكن العمل وصولًا للتصديق عليها، سعيًا لحماية النساء في عالم العمل من أية انتهاكات قد يتعرضن لها، وتوفير بيئة عمل آمنة للجميع

شاركينا شهاداتك عن أي انتهاكات تعرضتي لها في مكان عملك